Nataniël Live @ Taberna Dei

 
Nataniël Live @ Taberna Dei
 
Datum: Dinsdag, 14 Februarie 2017
Tyd: 19:00
Plek: Taberna Dei Diamantstad
Koste: R150pp
 
“Bid jou aan,” sê Charl du Plessis, “Nataniël is vreeslik verlief en nou wil hy op Valentynsdag optree. Hy sê hy gaan dit die mees romantiese Valentynsdag van alle tye maak.”
Op 14 Februarie gaan hy sy liefde in Kimberley ten toon stel – sy liefde vir stories en sing.
 
Du Plessis, Nataniël se begeleier die afgelope 18 jaar, sal ook op die verhoog wees om hom te begelei wanneer hy sy gunsteling-blues, -jazz en -popmusiek sing.
Hy sal ook van sy snaaksste stories in Engels en Afrikaans vertel, waarvan een uit sy nuutste boek, Zip!
En wat is ’n Nataniël-vertoning sonder uitspattige kostuums? Daarom het hy sy jare lange ontwerper Floris Louw gevra om vir hom ’n nuwe versameling uitrustings te maak.
Die optrede word in die Taberna Dei in Kimberley aangebied.
 
Besprekings kan gedoen word by 083 746 8385.
 

Shortlink for this post: https://www.kimberley.co.za/?p=26033